تھانہ ترنول اسلام آباد میں ملزم کی ہلاکت، 4اہلکاروں سمیت 5افراد کے خلاف مقدمہ درج

ہفتہ 12 جولائی 2025 20:25

ْ اسلام آباد (اُردو پوائنٹ اخبارتازہ ترین - این این آئی۔ 12 جولائی2025ء)وفاقی دارالحکومت کے تھانہ ترنول میں دورانِ حراست ملزم کی مبینہ ہلاکت کے بعد پولیس نے چار اہلکاروں سمیت پانچ افراد کے خلاف قتل کا مقدمہ درج کر لیا ۔پولیس ذرائع کے مطابق ہلاک ہونے والے ملزم کو قتل کے مقدمے میں گرفتار کیا گیا تھا۔

(جاری ہے)

تاہم دورانِ تفتیش اس پر تشدد کیے جانے کا انکشاف ہوا، جو مبینہ طور پر اس کی ہلاکت کا سبب بنا۔واقعے کے بعد اعلی پولیس افسران نے نوٹس لیتے ہوئے متعلقہ اہلکاروں کے خلاف کارروائی کا حکم دیا۔ مقدمہ درج کر کے معاملے کی انکوائری شروع کر دی گئی ہے۔پولیس ترجمان کے مطابق واقعے کی شفاف تحقیقات کی جائیں گی اور ذمہ داروں کو قانون کے مطابق سخت سزا دی جائے گی۔