کراچی، نادرا نے قومی شناخت کیلئے ایدھی سینٹرز کے یتیم بچوں کی رجسٹریشن کردی

ْرجسٹریشن میں شمولیت قانونی شناخت کے بعد سماجی اور اقتصادی حقوق تک رسائی ہے، ترجمان نادرا

ہفتہ 12 جولائی 2025 21:50

کراچی(اُردو پوائنٹ اخبارتازہ ترین - این این آئی۔ 12 جولائی2025ء)نیشنل ڈیٹا بیس اینڈ رجسٹریشن اتھارٹی(نادرا)ریجنل ہیڈآفس کراچی نے خصوصی مہم کے دوران قومی شناخت کے لییایدھی سینٹرزکے 106یتیم افراد کی رجسٹریشن کر دی۔ترجمان نادرا کے مطابق ریجنل ہیڈآفس کراچی نیایدھی فانڈیشن میں یتیم اور لاوارث افراد کی رجسٹریشن مہم کا انعقاد کیا، ایدھی فانڈیشن کے تعاون سے مہم 8 سے 11 جولائی تک کامیابی سے جاری رہی۔

(جاری ہے)

انہوں نے بتایا کہ کراچی میں واقع مختلف ایدھی سینٹرز میں مجموعی طور پر 106 یتیموں کو رجسٹر کیا گیا، رجسٹریشن کا اندارج کروانے والوں میں 46 نابالغ (31لڑکیاں اور 29لڑکی)شامل ہیں۔ترجمان نادرا کے مطابق رجسٹریشن میں شمولیت قانونی شناخت کے بعد سماجی اور اقتصادی حقوق تک رسائی ہے۔ڈائریکٹر جنرل نادرا کراچی نے اپنی ٹیم کیساتھ آپریشنز کا جائزہ لینے کے لیے رجسٹریشن سائٹ کا دورہ کیا اور ڈی جی نادرا نے ایدھی حکام سے مستقبل میں تعاون پر تبادلہ خیال کیا اور انسانی ہمدردی کے اقدامات کے عزم کا اعادہ کیا۔