mنجاب پولیس راجن پور کی کچہ کریمنلز کے خلاف بڑی کامیابی ٰ کچہ جمال میں طارق کجلہ عمرانی گینگ کے 07 ڈاکوؤں نے پنجاب پولیس کے سامنے سرنڈر کر دیا، ترجمان

ہفتہ 12 جولائی 2025 22:15

لاہور / راجن پور (اُردو پوائنٹ اخبارتازہ ترین - آن لائن۔ 12 جولائی2025ء) پنجاب پولیس راجن پور میں کچہ کریمنلز کے خلاف کاروائیاں جاری رکھے ہوئے ہے جس کے تسلسل میں کچہ جمال میں طارق کجلہ عمرانی گینگ کے 07 ڈاکوؤں نے پنجاب پولیس کے سامنے سرنڈر کر دیا۔

(جاری ہے)

ترجمان پنجاب پولیس نے بتایا کہ سرنڈر کرنے والے ڈاکوؤں میں طارق، ابوبکر، عبد الرحمٰن، ضیا الرحمٰن، حکیم، شفیع اور حنیف شامل ہیں۔

سرنڈر کرنے والے ڈاکو پنجاب پولیس کو درجنوں سنگین مقدمات میں مطلوب تھے۔ یاد رہے دو ماہ قبل کچہ جمال میں کامیاب پولیس آپریشن کی بدولت 05 ڈاکوؤں نے پہلے ہی پنجاب پولیس کے سامنے سرنڈر کیا تھا۔ آئی جی پنجاب ڈاکٹر عثمان انور نے بہترین حکمت عملی کے ذریعے ڈاکوؤں کو ہتھیار ڈالنے پر مجبور کرنے پر راجن پور پولیس کو شاباش دی ہے۔