اداکارہ حمیرا اصغر کا موبائل فون اور لیپ ٹاپ ان لاک کرلیا گیا

واقعہ کا مقدمہ پوسٹ مارٹم اور کیمیکل ایگزامن رپورٹ آنے کے بعد درج کیا جائے گا

اتوار 13 جولائی 2025 10:40

کراچی (اُردو پوائنٹ اخبارتازہ ترین - این این آئی۔ 13 جولائی2025ء)کراچی کے علاقے ڈیفنس خیابان اتحاد کمرشل کے فلیٹ میں مردہ پائی گئی اداکارہ حمیرا اصغر کے زیر استعمال موبائل فون اور لیپ ٹاپ کو ان لاک کرلیا گیا۔پولیس کے مطابق اداکارہ کے کمرے میں موجود ڈائری میں تمام پاسورڈ لکھے ہوئے تھے۔

(جاری ہے)

پولیس حکام کا بتانا ہے کہ پوسٹ مارٹم رپورٹ اور کیمیکل ایگزامن رپورٹ آنے کے بعد موت کی اصل وجہ واضح معلوم ہوسکے گی۔پولیس حکام کے مطابق اداکارہ حمیرا اصغر کے اپارٹمنٹ سے کوئی ایسی چیز نہیں ملی جس سے قتل کا شک ہو۔ واقعہ کا مقدمہ پوسٹ مارٹم اور کیمیکل ایگزامن رپورٹ آنے کے بعد درج کیا جائے گا۔