Live Updates

بجٹ میں آئی ایم ایف کا دیا ہوا اسٹرکچر کمپرومائز نہیں کیا جاسکتا

جنگ کی وجہ سے وارپریمئیم 6 سے 10ڈالر فی بیرل پر چلا گیا، جس سے پیٹرول کی قیمت بڑھانا پڑی، پیٹرول کی قیمت عالمی منڈی میں ریٹ، وارپریمئیم،ڈالر ریٹ اور ٹیکس چار چیزوں پر طے ہوتی ہے۔ وفاقی وزیر پیٹرولیم علی پرویز ملک

ثنااللہ ناگرہ بدھ 16 جولائی 2025 23:33

بجٹ میں آئی ایم ایف کا دیا ہوا اسٹرکچر کمپرومائز نہیں کیا جاسکتا

اسلام آباد ( اردوپوائنٹ اخبار تازہ ترین۔ آئی پی اے ۔ 16 جولائی 2025ء )وفاقی وزیر پیٹرولیم علی پرویز ملک نے کہا ہے کہ وارپریمئیم 6سے 10ڈالرفی بیرل پر چلا گیا، جس سے پیٹرول کی قیمت بڑھانا پڑی ،پیٹرول کی قیمت عالمی منڈی میں ریٹ، وارپریمئیم،ڈالر ریٹ اور ٹیکس چار چیزوں پر طے ہوتی ہے، بجٹ میں آئی ایم ایف کادیا اسٹرکچر کمپرومائز نہیں کیا جاسکتا۔

انہوں نے جیونیوز کے پروگرام میں گفتگو کرتے ہوئے کہا کہ ہم جب عوام میں جاتے ہیں تو ان کی تکلیف دیکھ کر ہمیں بھی احساس ہے، میں پیٹرولیم مصنوعات کی قیمتوں کے ایشو پر حقائق پیش کروں گا، جنگ سیٹل ہوگئی ہے، ہم گھمبیر حالات کے اندر سے نکل کر آرہے ہیں، 12جون کے بعد جنگ شروع ہوئی اور 25جون کے قریب سیٹل ہوئی، اس دوران ہم نے کوئی ٹیکس نہیں بڑھایا اور نہ پیٹرول کی قلت پیدا ہونے دی۔

(جاری ہے)

30جون کوکلوزنگ ہوئی تھی وہ 74ڈالرفی بیرل پر تھا اور کم ہوچکا تھا، اب بھی 74ڈالر پر برقرار ہے اس لئے پیٹرول پر کوئی بڑی ردوبدل نہیں ہونی چاہیئے تھی۔اب ہوا یہ کہ جب پیٹرول عالمی منڈی سے خریدتے ہیں تو ایس این پی انڈیکس پر پریمئیم چل رہا ہوتا ہے، یہ پریمئیم 6ڈالر سے بڑھ کر 10ڈالر پر چلا گیا ہے، پچھلے 15دنوں میں تین جہاز خریدے، جس سے ہمارا اوسط وارپریمئیم 10ڈالر بنا۔

وار پریمئیم5ڈالر فی بیرل سے بڑھ گیا جس کی وجہ سے پیٹرول کی قیمت کوتھوڑا سا بڑھانا پڑا۔ چاربڑی چیزیں ایسی ہیں جس پر پیٹرول کی قیمت طے ہوتی ہے، پیٹرول 70فیصد امپورٹ کرتے ہیں، جو عالمی منڈی میں ریٹ پرلیتے ہیں، دوسرا پریمئیم کیا چل رہا ہے، ڈالر کے ریٹ میں دو روپے کا فرق پڑا، ٹیکس میں اڑھائی روپے کا اضافہ نہیں کیا گیا۔ حکومت نے بجٹ کا فریم ورک آئی ایم ایف کو دیا ہوا ہے، آئی ایم ایف کا اسٹرکچر کمپرومائز نہیں کیا جاسکتا،ہم نے آزما کر دیکھ لیا جب ہمارے پاس سرٹیفکیٹ نہیں ہوتا تو پیسے اکٹھے نہیں کرسکتے۔