کراچی‘ پلاسٹک ڈرم میں خاتون کی ہاتھ پاؤں بندھی تشدد زدہ لاش برآمد

نامعلوم ملزمان کسی گاڑی سے ڈرم میں رکھی لاش مذکورہ مقام پر لیکر آئے اور پھینک کر فرار ہوگئے‘ پولیس

اتوار 13 جولائی 2025 12:00

کراچی (اُردو پوائنٹ اخبارتازہ ترین - این این آئی۔ 13 جولائی2025ء)کراچی کے علاقے شرافی گوٹھ میں ملیر ندی کے پاس واقع سڑک پر پڑے ہوئے پلاسٹک کے ڈرم سے خاتون کی ہاتھ پاو?ں بندھی تشدد زدہ جھلسی ہوئی لاش برآمد ہوئی ہے۔پولیس کے مطابق ملیر ندی کے قریب روڈ پر پڑے ڈرم سے خاتون کی لاش برآمد ہوئی ہے، سفاک ملزمان نے خاتون کی شناخت مٹانے کے لیے اس کا چہرہ بھی جلا دیا تھا۔

لاش کی اطلاع ملنے پر پولیس نے موقع پر پہنچ کر مقتولہ کی لاش ڈرم سے نکال کر ضابطے کی کارروائی کے لیے جناح اسپتال منتقل کر دی۔اس حوالے سے ایس ایچ او شرافی گوٹھ راو? خالد نے بتایا کہ پلاسٹک کے نیلے رنگ کے ڈرم سے ملنے والی خاتون کی لاش کا چہرہ بھی جھلسا ہوا ہے اور جس مقام پر خاتون کی ڈرم میں بند لاش ملی اس کے سامنے آبادی تھی اور لوگوں ڈرم دیکھ کر اور اس میں سے تعفن اٹھنے پر مدد گار 15 پولیس کو اطلاع دی جس نے موقع پر پہنچ کر ڈرم کو کھول کردیکھا تو اس میں سے خاتون کی لاش نکلی، جس کی عمر لگ بھگ 35سالہ ہے۔

(جاری ہے)

پولیس کو شبہ ہے کہ نامعلوم ملزمان رکشے یا سوزوکی پک اپ سمیت کسی گاڑی کی مدد سے ڈرم میں رکھی لاش مذکورہ مقام پر لیکر آئے اور پھینک کر فرار ہوئے ہیں۔پولیس کے کرائم سین یونٹ نے جائے وقوعہ سے شواہد اکھٹے کر لیے ہیں تاہم خاتون کی لاش مسخ شدہ ہونے کے باعث فنگر پرنٹ سے شناخت نہیں ہو سکی، لاش کا پوسٹ مارٹم کرایا جارہا ہے جس کی رپورٹ آنے کے بعد ہی وجہ موت کا تعین کیا جا سکے گا۔