-امریکا نے 30 فیصد ٹیکس کا نفاذ کیا تو جوابی اقدامات کریں گی: صدر یورپی یونین کی دھمکی

اتوار 13 جولائی 2025 18:15

ی*برسلز(اُردو پوائنٹ اخبارتازہ ترین - آن لائن۔ 13 جولائی2025ء)امریکی صدر ڈونلڈ ٹرمپ کے یورپی درآمدات پر 30 فیصد ٹیکس لگانے کے اعلان پر صدر یورپی یونین اُرسلا وان دیرلین نے اپنے ردِ عمل کا اظہار کیا ہے۔جاری کیے گئے بیان میں صدر یورپی یونین اُرسلا وان دیرلین نے کہا کہ امریکا نے 30 فیصد ٹیکس کا نفاذ کیا تو جوابی اقدامات کریں گے۔

(جاری ہے)

انہوں نے کہا ہے کہ یورپی یونین اپنے مفادات کے تحفظ کے لیے ضروری اقدامات کرنے کے لیے تیار ہے۔

صدر یورپی یونین اُرسلا وان دیرلین نے مزید کہا ہے کہ یورپی یونین یکم اگست تک امریکا سے تجارتی معاہدے پر کام جاری رکھنے کیلیے تیار ہے۔انہوں نے یہ بھی کہا ہے کہ دنیا کی چند ہی معیشتیں یورپی یونین کے کُھلے اور منصفانہ تجارتی اصولوں کے معیار تک پہنچتی ہیں۔واضح رہے کہ امریکی صدر ڈونلڈ ٹرمپ نے یورپی یونین اورمیکسیکو پر 30 فیصد تجارتی ٹیکس عائد کر دیا ہے۔