وزیرِ اعلیٰ پنجاب کی ہدایات کی روشنی میں مون سون بارشوں میں حفاظتی انتظامات یقینی بنائے گئے ہیں،ایم ڈی واسا محمد سلیم اشرف

اتوار 13 جولائی 2025 22:30

راولپنڈی (اُردو پوائنٹ اخبارتازہ ترین - اے پی پی۔ 13 جولائی2025ء) ایم ڈی واسا محمد سلیم اشرف نے عوامی آگاہی پیغام میں کہا ہے کہ وزیرِ اعلیٰ پنجاب مریم نواز شریف کی ہدایات کی روشنی میں مون سون بارشوں میں حفاظتی انتظامات یقینی بنائے گئے ہیں۔ حالیہ بارشوں میں انہی حفاظتی اقدامات کی بدولت کسی قسم کی بھی فلڈنگ یا ناگہانی صورتحال کا سامنا نہیں کرنا پڑا۔

ضلعی انتظامیہ کی جانب سے دفعہ 144 نافذ ہے جس کے تحت ندی، نالوں میں نہانے پر مکمل پابندی عائد ہے۔

(جاری ہے)

خلاف ورزی کرنے والوں کے خلاف سخت قانونی کارروائی عمل میں لائی جائے گی۔ واسا سٹاف مشینری کے ہمراہ ہمہ وقت فیلڈ میں موجود ہے۔ نکاسی آب کو بارشوں میں یقینی بنایا جا رہا ہے۔ انہوں نے کہا کہ عوام ندی نالوں سے نہ صرف دور رہیں بلکہ کوڑا کرکٹ کو نالوں میں پھینکے سے گریز کریں۔ وزیر اعلیٰ پنجاب مریم نواز شریف واسا کو ڈویلپمنٹ پیکج جو سیوریج اور ڈرینج کے حوالے سے ہے دے رہی ہیں جس کے تحت موجودہ سسٹم کو اپگریڈ کریں گے۔ اپگریڈیشن سے پورے شہر کو فلڈنگ سے بچانے میں مدد ملے گی۔