سعودی عرب ، گڈ مینو فیکچرنگ پریکٹسں کی خلاف ورزی، یورپی فارما کمپنی کی رجسٹریشن معطل

منگل 15 جولائی 2025 09:00

ریاض (اُردو پوائنٹ اخبارتازہ ترین - اے پی پی۔ 15 جولائی2025ء) سعودی عرب کی فوڈ اینڈ ڈرگ اتھارٹی ’ایس ایف ڈی اے‘ نے یورپی ملک میں قائم ایک فارما فیکٹری کی مملکت کے لیے رجسٹریشن معطل کردی ہے۔اخبار 24 کے مطابق ایس ایف ڈی اے کی جانب سے بیرون ملک نگرانی پروگرام کے تحت کی معائنہ رپورٹ میں وہاں گڈ مینو فیکچرنگ پریکٹسز( جی ایم پی) کی سنگین اور بنیادی خلاف ورزیوں کا پتہ چلا۔

(جاری ہے)

سنگین خلاف ورزیوں پر فوری ایکش لیتے ہوئے مملکت کے لیے کمپنی کی رجسٹریشن معطل کی گئی ہے۔اتھارٹی کے بیان میں کہا گیا کہ اس اقدام کا مقصد ممکنہ مصنوعات کو مملکت کی مارکیٹ میں آنے سے روکنا احتیاطی اقدام کے تحت صارفین کو تحفظ فراہم کرنا ہے۔ متعدد یورپی ریگولیٹری اداروں نے بھی سعودی فوڈ اینڈ ڈرگ اتھارٹی سے رابطہ کرکے فیکٹری کی جانب سے خلاف ورزیوں کی تفصیلات طلت کی ہیں تاکہ ان کا جائزہ لینے کے بعد مناسب اقدام کیا جاسکے۔