حزب اللہ کو غیرمسلح کرنے کی کوشش لبنان میں خانہ جنگی چھیڑسکتی ہی: امریکی انتباہ

منگل 15 جولائی 2025 15:00

واشنگٹن (اُردو پوائنٹ اخبارتازہ ترین - این این آئی۔ 15 جولائی2025ء)امریکہ کے خصوصی ایلچی برائے شام و لبنان تھامس براک نے واضح کیا ہے کہ واشنگٹن لبنانی حکومت پر کوئی چیز مسلط نہیں کر رہا۔ حزب اللہ کو اسلحہ چھوڑنے پر مجبور کرنے کا خوف ملک کو خانہ جنگی کی طرف دھکیل سکتا ہے۔میڈیارپورٹس کے مطابق ترکیہ اور شام کے ساتھ تعلقات کی بہتری پر ایک بریفنگ کے دوران تھامس براک نے کہا کہ موجودہ لبنانی حکومت بدعنوان نہیں ہے۔

(جاری ہے)

ان کے مطابق حزب اللہ سے اسلحہ چھیننے کی کوشش یا حکومت کی طرف سے ایسا کوئی اقدام ممکنہ طور پر ملک میں خانہ جنگی کو جنم دے سکتا ہے۔ان کا کہنا تھا کہ امریکہ جن ہتھیاروں کی واپسی چاہتا ہے، وہ وہی ہیں جو اسرائیل کے لیے خطرہ بنے ہوئے ہیں۔برا نے حزب اللہ کے مسلح دھڑے کو ایک "دہشت گرد تنظیم" قرار دیا اور کہا کہ یہی گروہ لبنان کے لیے مسائل کھڑے کر رہا ہے۔انہوں نے یہ بھی کہا کہ لبنان ماضی میں بدعنوانی میں ڈوبا ہوا ملک رہا ہے۔