پاکستان سٹاک ایکسچینج، ہنڈرڈ انڈیکس میں 1213 پوائنٹ کا اضافہ ،ملکی تاریخ کی بلند ترین سطح ایک لاکھ 37 ہزار 715پوائنٹس تک پہنچ گیا

منگل 15 جولائی 2025 15:57

اسلام آباد (اُردو پوائنٹ اخبارتازہ ترین - اے پی پی۔ 15 جولائی2025ء) پاکستان سٹاک ایکسچینج ہنڈرڈ انڈیکس ایک لاکھ 37 ہزار 715پوائنٹس تک پہنچ گیا ۔منگل کوکاروباری ہفتے کے دوسرے روز سٹاک مارکیٹ میں زبردست تیزی دیکھی گئی ، کاروبار کے آغاز پر 100 انڈیکس میں 1213 پوائنٹس کا اضافہ ہوا جس کے بعد انڈیکس ملکی تاریخ کی بلند ترین ایک لاکھ 37 ہزار 715 پوائنٹس کی سطح پر پہنچ گیا۔

(جاری ہے)

واضح رہے گزشتہ روز سٹاک مارکیٹ میں کاروبار کا مثبت رجحان رہا تھا ، کاروبار میں مسلسل تیزی کے باعث سرمایہ کاروں کو اربوں روپے کا فائدہ ہو رہا ہے۔ماہرین کا کہنا ہے کہ معاشی اصلاحات کی بدولت مضبوط معاشی اشاریوں نے سرمایہ کاروں کو متحرک کیا ہوا ہے۔\932