اسرائیل، نیتن یاہو کے اقتدار کو خطرہ، مذہبی جماعت حکومت سے علیحدہ

مذہبی طلبہ کو فوجی خدمات سے مستثنی قرار دینے کا قانون نہ بنانے پر تنازعہ شدت اختیار کرگیا،غیرملکی میڈیا

منگل 15 جولائی 2025 16:04

تل ابیب (اُردو پوائنٹ اخبارتازہ ترین - این این آئی۔ 15 جولائی2025ء)اسرائیلی وزیراعظم نیتن یاہو کی حکومت کو دھچکا لگ گیا، الٹرا آرتھوڈوکس جماعتوں میں سے ایک یو ٹی جے نے نیتن ہایو کی کابینہ اور حکومت سے علیحدگی اختیار کرلی۔غیرملکی خبررساں ادارے کے مطابق خبر رساں اداروں کے مطابق مذہبی طلبہ کو فوجی خدمات سے مستثنی قرار دینے کا قانون نہ بنانے پر تنازعہ شدت اختیار کرگیا ہے۔

(جاری ہے)

اس سلسلے میں یو ٹی جے کا ایک رکن پہلے ہی مستعفی ہوچکا تھا، اب دیگر چھ بھی نیتن یاہو کا ساتھ چھوڑ گئے ۔ایک سو بیس رکنی اسمبلی میں نتین یاہو کو صرف ایک نشست کی برتری رہ گئی ہے جس سے حکومت گرنے کا خدشہ اسرائیلی وزیراعظم کے سر پر منڈلانے لگا ہے۔ ایک اور الٹرا آرتھوڈوکس پارٹی شاس پر سب کی نگاہیں مرکوز ہیں کیونکہ انتہائی دائیں بازو کی مذہبی جماعتیں بھرتی بل کی مخالف ہیں اور وزیراعظم سے اپنا اتحاد چھوڑنے کی دھمکی دیتی رہی ہیں۔