پاکستان میں شہری 7ستمبر کو سرخ چاند گرہن کا نظارہ کرسکیں گے

یہ چاند گرہن 2025میں ہونے والے دو مکمل چاند گرہنوں میں سے ایک ہے

منگل 15 جولائی 2025 16:22

پاکستان میں شہری 7ستمبر کو سرخ چاند گرہن کا نظارہ کرسکیں گے

لاہور (اُردو پوائنٹ اخبارتازہ ترین - این این آئی۔ 15 جولائی2025ء) پاکستان میں 7ستمبر 2025کی رات ایک مکمل چاند گرہن واقع ہوگا، جو پورے ملک میں واضح طور پر دیکھا جائے گا جبکہ چاند کا رنگ سرخ ہوگا۔تفصیلات کے مطابق مرحلہ شروعات ہفتہ، 7ستمبر 2025کو رات 8:28بجے ہوگا اور اختتام تقریبا صبح 1:55بجے ہوگا۔اس پورے گرہن کی مدت تقریبا 5 گھنٹے 27منٹ رہے گی جبکہ مکمل گرہن کا اثر 82سے 83منٹ جاری رہے گی ۔

(جاری ہے)

پورے پاکستان میں گرہن واضح طور پر نظر آئے گا، اس میں بڑے شہر جیسے کراچی، لاہور اور اسلام آباد شامل ہیں ۔میڈیا رپورٹس نے تصدیق کی ہے کہ یہ گرہن ’’بلڈ مون ‘‘سرخ چاند بنے گا کیونکہ چاند اس وقت سرخی مائل ہوجاتا ہے جب زمین کے مدمقابل سورج کی روشنی سے زمین کا سایہ چاند پو پڑتا ہے۔یہ مظہر بغیر کسی خاص آلے کے باآسانی آنکھوں سے دیکھا جا سکے گا تاہم اگر آپ دوربین استعمال کی جائے تو مظہر مزید واضح اور حیرت انگیز دکھائی دے گا۔