آئی سی سی آئی قیادت کا حکومت سے بجلی کے نرخوں میں مزید کمی کا مطالبہ

منگل 15 جولائی 2025 23:10

اسلام آباد(اُردو پوائنٹ اخبارتازہ ترین - آن لائن۔ 15 جولائی2025ء)اسلام آباد چیمبر آف کامرس اینڈ انڈسٹری (آئی سی سی آئی) کی قیادت نے حکومت سے مطالبہ کیا ہے کہ عالمی منڈیوں میں پاکستان کی صنعتی مسابقت کو مضبوط بنانے کے لیے بجلی کے نرخوں میں مزید کمی کی جائے۔ قیادت نے کہا ہے کہ توانائی کے بلند اخراجات ملک کے صنعتی شعبے کی پیداواری صلاحیت اور ترقی میں ایک بڑی رکاوٹ ہیں۔

صدر ناصر منصور قریشی، سینئر نائب صدر عبدالرحمن صدیقی اور نائب صدر ناصر محمود چوہدری نے ایک پائیدار اور صنعت دوست توانائی پالیسی کی فوری ضرورت پر زور دیتے ہوئے متنبہ کیا کہ اصلاحات کے بغیر، نجی شعبے کو بین الاقوامی سطح پر سنگین چیلنجز کا سامنا ہے۔صدر ناصر منصور قریشی نے کہا کہ برسوں کے دوران، بجلی کی بلند قیمتوں نے صنعتی پیداوار میں زبردست کمی کی ہے اور ہماری عالمی مارکیٹ کی پوزیشن کو کمزور کیا ہے۔

(جاری ہے)

''اب وقت آگیا ہے کہ اس رجحان کو ختم کرنے کے لیے جرات مندانہ، اصلاحی اقدامات اٹھائے جائیں۔آئی سی سی آئی کی قیادت نے نہ صرف صنعتوں بلکہ گھریلو صارفین کے لیے بھی بجلی کے مستحکم اور متوقع نرخوں کی اہمیت پر زور دیتے ہوئے حکومت سے مطالبہ کیا ہے کہ وہ کاروباری برادری کے ساتھ مل کر کام کرے تاکہ سستی بجلی کی فراہمی اور اعتماد سازی کو یقینی بنایا جا سکے۔انہوں نے کہا کہ نجی شعبے کے تحفظات کو دور کرنے، صنعتی سرگرمیوں کو بحال کرنے اور سرمایہ کاری کو فروغ دینے سے قومی اقتصادی ترقی کو تیز کرنینمیںنمددنملینگی۔