سعودی عرب، آٹزم کا شکار افراد کی مدد کے لیے روبوٹ تیار

روبوٹ نجران یونیورسٹی نے تیار کیا تا کہ صحت کی دیکھ بھال کی فراہمی میں موجود خلا پر کیا جا سکے،ربورٹ

بدھ 16 جولائی 2025 13:09

نجران(اُردو پوائنٹ اخبارتازہ ترین - این این آئی۔ 16 جولائی2025ء)نجران یونیورسٹی نے ایک منفرد سائنسی منصوبہ آٹزم روبوٹ کے نام سے تیار کیا ہے، جو آٹزم (اپنی ذات میں گم ہونے کی حالت جس میں مریض حقیقی دنیا سے کٹ جاتا ہے اور خیالات کی دنیا میں کھویا رہتا ہی)کے شکار بچوں اور ان کے والدین کی مدد کے لیے ٹیکنالوجی کا استعمال کرتا ہے۔

(جاری ہے)

میڈیارپورٹس کے مطابق یہ منصوبہ سعودی عرب کی جامعات کی اختراعی کامیابیوں میں ایک اہم اضافہ ہے۔ ڈاکٹر حسین آل عماد کے مطابق اس منصوبے میں دو سمارٹ ایپلی کیشنیں شامل ہیں ایک بچے کی گھڑی میں، دوسری والدین یا معلم کے موبائل میں، جو بچے کی زبان، ذہنی کارکردگی، جذباتی توازن اور حفاظت کو بہتر بنانے میں مدد دیتی ہیں۔