ہری پور، تھانہ سرائے صالح پولیس کی کارروائی، بگڑہ اندھا قتل ٹریس، 2 ملزمان گرفتار

بدھ 16 جولائی 2025 17:01

ایبٹ آباد (اُردو پوائنٹ اخبارتازہ ترین - اے پی پی۔ 16 جولائی2025ء) ہری پور کے تھانہ سرائے صالح پولیس نے ایک کارروائی کے دوران بگڑہ اندھا قتل ٹریس کر کے 2 ملزمان کو گرفتار کر لیا۔ ہری پور پولیس کے مطابق ڈی پی او فرحان خان کے احکامات کی روشنی میں جرائم پیشہ عناصر کے خلاف کارروائیوں کا سلسلہ جاری ہے۔

(جاری ہے)

تھانہ سرائے صالح کی حدود بگڑہ میں عمیر ولد زاہد اختر سکنہ محلہ پنوں خیل بگڑہ نمبر 1 کو آتشین اسلحہ سے قتل کرنے کا افسوسناک واقعہ پیش آیا۔

مدعیہ کی رپورٹ پر نامعلوم ملزمان کے خلاف مقدمہ درج رجسٹر ہوا۔ ایس ایچ او تھانہ سرائے صالح اعجاز علی نے تفتیشی سٹاف اور دیگر پولیس نفری کے ہمراہ کارروائی کرتے ہوئے قتل کے وقوعہ میں ملوث نامعلوم ملزمان علی زمان ولد محمد زمان اور عدیل احمد ولد محمد سلیم ساکنان جمعہ آباد کو گرفتار کر کے آلہ قتل اور موبائل فون برآمد کر لیا۔ملزمان سے مزید تفتیش جاری ہے۔