سر حد یونیورسٹی اسلام آ باد کیمپس کے طلباء کیلئے منشیات کے نقصانات ، روک تھام بارے لیکچر

بدھ 16 جولائی 2025 19:24

اسلام آباد(اُردو پوائنٹ اخبارتازہ ترین - این این آئی۔ 16 جولائی2025ء)سر حد یونیورسٹی اسلام آ باد کیمپس کے طلباء کیلئے منشیات کے نقصانات اور روک تھام کے حو الے سے خصوصی لیکچر دیاگیا۔

(جاری ہے)

تفصیلا ت کے مطا بق انسپکٹر جنرل آف پولیس سید علی ناصررضوی کے خصوصی احکامات کی روشنی میں اسلام آبادپولیس نے وفاقی دارلحکومت کو منشیات سے پاک کرنے اور نوجوان نسل کو منشیات کی لعنت سے محفوظ رکھنے کے لئے خصوصی "نشہ اب نہیں "تحریک شروع کر رکھی ہے،اس سلسلے میں ایڈیشنل ایس ایچ او تھا نہ ہمک ذوالفقار علی نے سرحد یو نیو رسٹی اسلام آ باد کیمپس کے طلباء کومنشیات کے نقصانات اور روک تھام کے حوالے سے خصوصی آگاہی لیکچر دیا، اس موقع پر انہوں نے کہا کہ نوجوان خاص کر طلباء کیلئے منشیات کا استعمال انکے صحت اور مستقبل دونوں کیلئے تباہ کن ہے، طلباء خود کو بھی اس ناسور سے بچائیں اور اپنے اردگرد کے افراد کو بھی منشیات جیسی لعنت سے بچانے میں اپنا اہم کر دار ادا کریں، کیونکہ والدین اور اساتذہ کے تعاون سے نوجوانوں کو منشیات کی لعنت سے بچایا جاسکتا ہے، انہو ں نے طلباء سے التماس کی ہے کہ وہ اپنے آس پاس منشیات کی کسی قسم کی سرگرمی کے بارے میں پولیس کو فوری اطلاع دیکر ذمہ دار شہری ہونے کا ثبوت دیں، جب تک عوام کا تعاون حاصل نہیں ہوگا اس ناسور کا خاتمہ ممکن نہیں ہوسکے گا، انہوں نے مزید کہا کہ اسلام آباد پولیس اوردیگر قانون نافذ کرنے والے ادارے مشترکہ طورپرمنشیات کی روک تھام کیلئے بھرپور کردرادا کر رہے ہیں،جبکہ تعلیمی اداروں میں منشیات فروشوں کی گرفتاریوں کے لئے ٹیمیں بھی تشکیل دی گئی ہیں، اسلام آبادپولیس منشیات فروشی جیسے گھناؤنے کاروبار میں ملوث عناصر کو ہر صورت قانون کے کٹہرے میں لائے گی،شہری منشیات کے خاتمے کیلئے اسلام آباد پولیس کا ساتھ دیں اور عزم کریں کے نشہ اب نہیں،شہری کسی بھی مشکوک شخص یا سر گرمی کے متعلق اپنے متعلقہ تھانہ،ایمر جنسی ہیلپ لا ئن ''پکار''15پرفوری اطلاع دیں۔