Live Updates

آئی سی سی اجلاس ، ایشیاء کپ کا معاملہ بھی اٹھائے جانے کا امکان

آئی سی سی ارکان اجلاس میں ایشیاء کپ کے مستقبل کا فیصلہ بھی کریں گے

ذیشان مہتاب جمعرات 17 جولائی 2025 12:21

آئی سی سی اجلاس ، ایشیاء کپ کا معاملہ بھی اٹھائے جانے کا امکان

لاہور (اردو پوائنٹ تازہ ترین اخبار ۔ 17 جولائی 2025ء ) بھارتی میڈیا کو ایشیا کپ کے حوالے سے کسی پل چین نہیں آرہا اور اب دعویٰ کیا ہے کہ انٹرنیشنل کرکٹ کونسل کے کل سے سنگاپور میں ہونے والے اجلاس میں ایشیا کپ کا معاملہ بھی اٹھایا جائے گا۔

کرکٹ کے دوسرے اہم امور پر تبادلہ خیال کے ساتھ آئی سی سی ارکان ایشیا کپ کے مستقبل کا فیصلہ بھی کریں گے، اجلاس 17 سے 20 جولائی تک شیڈول ہے۔

آئی سی سی میٹنگز میں پی سی بی کے سید سمیر احمد کے ساتھ محسن نقوی کی بھی شرکت متوقع ہے، بھارتی آفیشلز بھی اجلاس کا حصہ ہوں گے۔

(جاری ہے)

دوسری جانب، بھارتی میڈیا کئی دنوں سے ایشیا کپ کے پیچھے پڑا ہوا ہے اور اب آئی سی سی اجلاس کا نیا شوشہ چھوڑا ہے۔ بی سی سی آئی حکام اور بھارتی میڈیا مل کر ایشین کرکٹ کونسل اجلاس کو ناکام بنانے کے در پہ ہیں، وہ اجلاس اور ایشیا کپ دونوں کو ملتوی کرنے کی کوششوں میں ہیں۔

چند دن پہلے بھارتی میڈیا نے ہی رپورٹ کیا تھا کہ ایشیا کپ پانچ ستمبر سے یواے ای میں ہوگا۔