Live Updates

پاک بھارت ایشیا کپ میچ کے ٹکٹس کی قیمتیں کم کردی گئیں

جمعرات 11 ستمبر 2025 23:04

دبئی (اُردو پوائنٹ اخبارتازہ ترین - این این آئی۔ 11 ستمبر2025ء)پاک بھارت ایشیا کپ میچ کے ٹکٹس کی قیمتیں کم کردی گئیں۔پاکستان اور بھارت کے درمیان ہونے والے ایشیا کپ کے میچ کے ٹکٹس اب بھی دستیاب ہیں،پریمیم انکلوژر کے زیادہ تر ٹکٹس تاحال فروخت نہیں ہوسکے اور فروخت بھی سست روی کا شکار ہے۔

(جاری ہے)

پاک بھارت میچ کے ٹکٹس کی مانگ توقعات سے کم ہیں جس کی وجہ سے منتظمین نے ٹکٹ کی قیمتیں کم کردیں۔پاک بھارت میچ کے ٹکٹ کی قیمت 475 درہم سے کم کر کے 350 درہم کر دی گئی۔واضح رہے کہ شائقین کرکٹ نے مہنگے ٹکٹس کا شکوہ کیا تھا۔یاد رہے کہ پاکستان اور بھارت کے درمیان ٹاکرا 14 ستمبر کو ہوگا۔