Live Updates

حنیف محمد ٹرافی گریڈ ٹو ٹورنامنٹ،عبدالصمد اور محمد سلیمان کی سنچریاں

جمعرات 11 ستمبر 2025 19:08

کراچی(اُردو پوائنٹ اخبارتازہ ترین - این این آئی۔ 11 ستمبر2025ء) حنیف محمد ٹرافی گریڈ ٹو کرکٹ ٹورنامنٹ کے تیسرے راؤنڈ کے پہلے روز کراچی بلوز اور ڈیرہ مراد جمالی کے درمیان نیشنل بینک سٹیڈیم کراچی میں پہلے دن کا کھیل گیلی آؤٹ فیلڈ کی وجہ سے ممکن نہ ہوسکا۔سٹیٹ بینک سپورٹس کمپلیکس کراچی میں بھی فاٹا اور لاڑکانہ کے میچ کے پہلے دن کا کھیل ممکن نہ ہوسکا۔

(جاری ہے)

یوبی ایل سپورٹس کمپلیکس کراچی میں راولپنڈی اور ملتان کے درمیان پہلے دن کا کھیل گیلی آؤٹ فیلڈ کی وجہ سے ختم کردیا گیا۔ملتان میں فیصل آباد کے عبدالصمد نے کراچی وائٹس کے خلاف سنچری بنا ڈالی،103 رنز بناکر ناٹ آؤٹ ہیں۔بہاولپور میں لاہور بلوز کے خلاف آزاد جموں کشمیر کے زمان خان نے عمدہ بولنگ کرتے ہوئی17 رنز کے عوض 5 وکٹیں حاصل کیں۔ لاہور بلوز صرف 71 رنز پر آؤٹ ہوگیا،رحیم یارخان میں حیدرآباد کے محمد سلیمان نے کوئٹہ کے خلاف سنچری کی، 157 رنز بناکر ناٹ آؤٹ ہیں،دانیال حسین نے نصف سنچری کی۔