Live Updates

کرکٹ ایشیا کپ: قومی ٹیم کی آئی سی سی اکیڈمی میں بھرپور پریکٹس

جمعرات 11 ستمبر 2025 17:48

دبئی(اُردو پوائنٹ اخبارتازہ ترین - این این آئی۔ 11 ستمبر2025ء) کرکٹ ایشیا کپ کیلئے قومی کرکٹ ٹیم نے آئی سی سی اکیڈمی میں پریکٹس کی۔کوچز کے زیر نگرانی کھلاڑیوں نے 3 گھنٹے پریکٹس کی، بیٹنگ، بولنگ اور فیلڈنگ پریکٹس میں حصہ لیا، قومی ٹیم آج آرام کرے گی، پاکستان ایشیا کپ میں اپنا پہلا میچ عمان کے خلاف (آج) 12 ستمبر کو دبئی میں کھیلے گا۔

(جاری ہے)

واضح رہے کہ گزشتہ روز ٹی 20 ایشیا کپ کے دوسرے میچ میں بھارت نے یکطرفہ مقابلے کے بعد متحدہ عرب امارات (یو اے ای) کو 9 وکٹوں سے شکست دیدی تھی۔یاد رہے کہ ایشیا کپ کے افتتاحی میچ میں افغانستان نے ہانگ کانگ کو 94 رنز سے ہرایا تھا۔