ایرلنگ ہالینڈ کیساتھ کھیلنے والے فٹبالر اعتزازحسین پاکستان کی نمائندگی کیلئے اہل قرار

جمعرات 11 ستمبر 2025 23:04

اسلام آباد (اُردو پوائنٹ اخبارتازہ ترین - این این آئی۔ 11 ستمبر2025ء)ایرلنگ ہالینڈ کے ساتھ کھیلنے والے فٹبالر اعتزاز حسین کو پاکستان کی نمائندگی کے لیے اہل قرار دے دیا گیا۔فیفا نے 32 سالہ مڈ فیلڈر اعتزاز کے ناروے فٹبال سے پاکستان فٹبال تبادلے کی توثیق کر دی۔اعتزاز نے دو سال قبل پاکستان کا پاسپورٹ بھی حاصل کر لیا تھا۔

(جاری ہے)

اعتزاز حسین مولڈے فٹبال کلب میں ایرلنگ ہالینڈ کے ساتھ فٹبال کھیل چکے ہیں۔

مولڈے کلب کے ساتھ اعتزاز نے 4 مرتبہ لیگ اور 3 مرتبہ ناروے ایف اے کپ ٹائٹل جیتے۔ اعتزاز حسین انڈر 16 سے انڈر 23 کی مختلف ایج گروپ فٹبال میں ناروے کی نمائندگی کر چکے ہیں۔اعتزاز 2009ء سے 2011ء تک مانچسٹر یونائیٹڈ یوتھ ٹیم کا حصہ بھی رہ چکے ہیں، ان کے والدین کا تعلق ضلع گجرات کے شہر کھاریاں سے ہے۔