Live Updates

بارش نے ایک بار پھر اسلام آباد میں مبینہ ناقص تعمیرات کا پول کھول دیا

45 دن کی ریکارڈ مدت میں بننے والے ایف 8 انٹرچینج کی سڑک کا ایک حصہ بیٹھ گیا، ای الیون فلائی اوور کی روڈ پر دراڑیں پڑگئیں

ساجد علی جمعرات 17 جولائی 2025 12:37

بارش نے ایک بار پھر اسلام آباد میں مبینہ ناقص تعمیرات کا پول کھول دیا

اسلام آباد ( اُردو پوائنٹ اخبارتازہ ترین۔ 17 جولائی 2025ء ) وفاقی دارالحکومت اسلام آباد میں بارش نے ایک بار پھر مبینہ ناقص تعمیرات کا پول کھول دیا۔ تفصیلات کے مطابق وفاقی دارالحکومت میں جاری بارش کے دوران اسلام آباد میں 45 دنوں کی ریکارڈ مدت میں تعمیر ہونے والے ایف ایٹ انٹرچینج منصوبہ بھی شدید متاثر ہوا جہاں موسلادھار بارش میں ایف ایٹ سے نائتھ ایونیو کو جانے والی سڑک بیٹھ گئی، سوشل میڈیا پر سامنے آنے والی ویڈیو میں سی ڈی اے کے عملے اور افسران کو بحالی کے کام میں مصروف دیکھا جاسکتا ہے، حکومت نے اس منصوبے کو طیب اردگان انٹر چینج کا نام دیا، اس منصوبے کو مکمل ہوئے ابھی تقریباً صرف 6 ماہ ہی مکمل ہوئے ہیں لیکن بارش میں یہ سڑک تیسری بار بیٹھ چکی ہے۔

45دنوں کی ریکارڈ مدت میں تعمیر ہونے والا ایف ایٹ انٹرچینج منصوبہ موسلادھار بارش میں ایف ایٹ سے نائتھ ایونیو کو جانے والی سڑک بیٹھ گئی۔سی ڈی اے کا عملہ و افسران بحالی کے کام میں مصروف pic.twitter.com/zs7bNTDbqq
— Sheraz Ahmad Sherazi (@Sherazi_Silmian) July 17, 2025

اس کے علاوہ ایک اور منصوبے کی ویڈیو میں سوشل میڈیا پر سامنے آئی ہے جس میں دیکھا جاسکتا ہے کہ اسلام آباد کے ای الیون فلائی اوور کی ایک سائیڈ کے روڈ پر بھی دراڑیں پڑ چکی ہیں، عملے کی جانب سے ان دراڑوں میں مٹی ڈال کر انہیں چھپانے کی کوشش کی گئی۔

(جاری ہے)

45دنوں کی ریکارڈ مدت میں تعمیر ہونے والا ایف ایٹ انٹرچینج منصوبہ موسلادھار بارش میں ایف ایٹ سے نائتھ ایونیو کو جانے والی سڑک بیٹھ گئی۔سی ڈی اے کا عملہ و افسران بحالی کے کام میں مصروف pic.twitter.com/zs7bNTDbqq
— Sheraz Ahmad Sherazi (@Sherazi_Silmian) July 17, 2025

اس سے پہلے شہر اقتدار میں کم عرصے میں مکمل ہونے والا جناح سکوائر منصوبہ مون سون کی پہلی بارش بھی برداشت نہ کرسکا اور وفاقی دارالحکومت میں 84 دن میں 4.2 ارب سے حال ہی میں بننے والا جناح سکوائر منصوبہ بارش میں بیٹھ گیا، جناح سکوائر منصوبے کا حصہ سرینہ چوک سے آبپارہ جانے والی سڑک دو گھنٹے کی بارش کو برداشت نہ کرسکی اور بیٹھ گئی، یہ وہ ہی سڑک ہے جس کے بارے میں کہا جا رہا تھا کہ دو ماہ کے قلیل وقت میں مکمل کی گئی اور اس سال کے شروع میں بڑے دھوم دھام سے اس پراجیکٹ کا افتتاح کیا گیا تھا۔