پاکستان فیڈریشن بیس بال نے جاپان کے کوچ کی خدمات حاصل کر لیں

دونوں کھلاڑی جاپان سے چین میں ایشین بیس بال چیمپئن شپ کے لیے ٹیم کو جوائن کریں گے، فخر علی شاہ

جمعرات 17 جولائی 2025 17:32

اسلام آباد (اُردو پوائنٹ اخبارتازہ ترین - این این آئی۔ 17 جولائی2025ء)پاکستان فیڈریشن بیس بال نے جاپان کے کوچ کازوٹو نوناکا کی خدمات حاصل کر لیں، ان کو ایشین بیس بال چیمپئن شپ کیلیے کوچنگ اسٹاف میں شامل کر لیا گیا ہے۔

(جاری ہے)

پاکستان فیڈریشن بیس بال کے سیکریٹری فخر علی شاہ نے بتایاکہ کوچ کازوٹو نوناکا کے ساتھ گزشتہ برس سے بات چیت کا سلسلہ جاری تھا، وہ جاپان میں پاکستان کے 2 باصلاحیت کھلاڑیوں فیصل حیات اور مشرف کے ساتھ مئی سے ٹریننگ کے دوران کام کر رہے ہیں۔

فخر علی شاہ کے مطابق دونوں کھلاڑی جاپان سے چین میں ایشین بیس بال چیمپئن شپ کے لیے ٹیم کو جوائن کریں گے۔انہوں نے کہا کہ کوچ کازوٹو نوناکا کی وجہ سے پاکستان کے کھلاڑیوں کی اسکلز میں اضافہ ہو گا۔واضح رہے کہ ایشین بیس بال چیمپئن شپ 22 سے 28 ستمبر تک چین میں کھیلی جائے گی۔