سلو اوور ریٹ کی سزا صرف انگلینڈ کو دینے پر مائیکل وان کا سخت ردعمل

جمعرات 17 جولائی 2025 22:05

کراچی(اُردو پوائنٹ اخبارتازہ ترین - آن لائن۔ 17 جولائی2025ء)سابق انگلش کپتان مائیکل وان نے آئی سی سی کی جانب سے سلو اوور ریٹ پر ملکی ٹیم کو سزا اور پوائنٹس کٹوتی پر سخت ردعمل دیا ہے۔انہوں نے فیصلے پر شدید تحفظات کا اظہار کرتے ہوئے کہا کہ لارڈز میں بھارت کے خلاف تیسرے ٹیسٹ میں انتہائی سست اوور ریٹ پر صرف انگلینڈ کو ہی سزا کیوں دی گئی۔مائیکل وان نے کہا کہ دونوں ٹیموں کا لارڈز میں اوور ریٹ بہت خراب تھا، صرف ایک ٹیم کو سزا دینا میری سجھ سے باہر ہے۔

(جاری ہے)

واضح رہے کہ بھارت کے خلاف لارڈز میں کھیلے گئے تیسرے ٹیسٹ میں سست اوور ریٹ کی وجہ سے انگلینڈ کے ورلڈ ٹیسٹ چیمپیئن شپ پوائنٹس میں کٹوتی کی گئی جبکہ 10 فیصد جرمانہ بھی عائد کیا گیا۔جرمانے کے باعث انگلینڈ ورلڈ ٹیسٹ چیمپیئن شپ کی ٹیبل پر دوسرے سے تیسرے نمبر پر چلا گیا۔بھارت سے تیسرے ٹیسٹ میں فتح کے بعد انگلینڈ کے پوائنٹس 24 ہوگئے تھے تاہم جرمانے کے سبب دو پوائنٹس کی کٹوتی کرکے 22 کر دیے گئے جبکہ 66.67 فیصد پوائنٹس کم ہو کر 61.11 فیصد پر آگئے۔