سانحہ سوات، چیف سیکریٹری کا تحقیقاتی رپورٹ پر عملدرآمد کیلئے 4محکموں کو خط

جمعہ 18 جولائی 2025 12:51

سوات(اُردو پوائنٹ اخبارتازہ ترین - این این آئی۔ 18 جولائی2025ء)سانحہ سوات کے حوالے سے بنائی گئی کمیٹی کی تحقیقاتی رپورٹ کی سفارشات پر عمل درآمد کیلئے چیف سیکریڑی خیبر پختونخوا نے محکمہ سیاحت، محکمہ ریلیف، محکمہ آبپاشی اور محکمہ بلدیات کو خط لکھا دیا۔ ذرائع کے مطابق رپورٹ کی سفارشات کے تحت افسروں اور اہلکاروں کے خلاف کارروائی کا آغاز کیا جائے گا۔

تحقیقاتی رپورٹ میں ضلعی انتظامیہ سوات، محکمہ آبپاشی، بلدیات اور ریسکیو کے اہلکاروں کی غفلت ثابت ہوئی تھی۔

(جاری ہے)

ذرائع کے مطابق خط میں لکھا گیا کہ انتظامی اور قانون سازی سے متعلق تجاویز پر بھی عمل درآمد کیاجائے اور مستقبل میں سانحہ سوات جیسے واقعات کے تدارک کیلئے درکار موثر قانون سازی کی جائے۔اس سے قبل وزیراعلیٰ نے تحقیقاتی کمیٹی کی سفارشات پر جلد عمل درآمد کرنے کا حکم دیا تھا۔وزیراعلیٰ نے انتظامی تجاویز پر ایک ماہ اور قانون سازی سے متعلق تجاویز پر2ماہ میں عمل درآمد کی ڈیڈ لائن دی تھی۔ زرائع کے مطابق رپورٹ کی سفارشات پر عملدرآمد کیلئے چیف سیکریٹری کی سربراہی میں اور سائٹ کمیٹی تشکیل دی گئی ہے جس کی ماہانہ رپورٹ وزیراعلیٰ سیکرٹریٹ کو پیش کی جائے گی۔