لندن: ارشد ندیم کے ری ہیب کا آغاز، چند روز آرام کے بعد ایکسرسائز شروع کرینگے

جلد ہی ارشد ندیم کی باقاعدہ ٹریننگ کا پروگرام از سرنو تیار کیا جائے گا، کوچ سلمان اقبال

ذیشان مہتاب جمعہ 18 جولائی 2025 12:43

لندن: ارشد ندیم کے ری ہیب کا آغاز، چند روز آرام کے بعد ایکسرسائز شروع ..

لندن (اردو پوائنٹ تازہ ترین اخبار ۔ 18 جولائی 2025ء ) پاکستان اولمپک گولڈ میڈلسٹ ارشد ندیم کے لندن میں ری ہیب کا آغاز ہوگیا۔

پیرس اولمپکس کے گولڈ میڈلسٹ بائیں پنڈلی کے مسلزمیں کھنچاؤ کے بعد پولینڈ میں شیڈول ایونٹ سے دستبردار ہوئے تھے۔

ارشد ندیم کا لندن میں ایک ماہ کا ٹریننگ شیڈول پہلے سے طے شدہ تھا، لندن آمد پر ان کا کیمبرج اسپتال میں ڈاکٹر علی باجوہ نے تفصیلی چیک اپ کیا۔

(جاری ہے)

ارشد ندیم کے کوچ سلمان اقبال کے مطابق ارشد چند دن آرام کے بعد اب پیر یا منگل سے ہلکی پھلکی ایکسرسائز شروع کردیں گے جس کے بعد جلد ہی ان کی باقاعدہ ٹریننگ کا پروگرام از سرنو تیار کیا جائے گا۔