آئی جی پنجاب سے پولیس ملازمین و اہلخانہ کی ملاقات،مسائل کے ریلیف کیلئے احکامات جاری

ہفتہ 19 جولائی 2025 00:40

لاہور (اُردو پوائنٹ اخبارتازہ ترین - اے پی پی۔ 19 جولائی2025ء) انسپکٹر جنرل پولیس پنجاب ڈاکٹر عثمان انور سے پولیس ملازمین اور انکے اہلخانہ نے سنٹرل پولیس آفس میں ملاقات کی، آئی جی پنجاب نے پولیس ملازمین کے مسائل سنے اورفوری ریلیف کیلئے احکامات جاری کیے۔ ترجمان کے مطابق آئی جی نے ڈی ایس پی محمد ایوب کی طبی مالی امداد کی درخواست پر ڈی آئی جی ویلفیئر اینڈ فنانس کو ریلیف کی ہدایت کی۔

(جاری ہے)

اسی طرح آئی جی پنجاب نے ہیڈ کانسٹیبل محمد عدنان کی تربیتی کورس پر جانے کی درخواست پر آر پی او سرگودھا ، لیڈی انسپکٹر شازیہ نورین کی ٹرانسفر پوسٹنگ کی درخواست پرایڈیشنل آئی جی پنجاب اورلیڈی کک مسرت پروین کی سرکاری رہائش کی درخواست پر ڈی آئی جی ایڈمن لاہور کو ریلیف کی ہدایت کی۔ آئی جی پنجاب ڈاکٹر عثمان انور نے ڈسپلن، ایڈمن، پروموشن اور ویلفیئر سے متعلقہ دیگر درخواستوں پر بھی احکامات جاری کئے۔