حج سیزن میں ریاض الجنہ میں آنے والے زائرین کی تعداد 19 لاکھ 58 ہزار 76 رہی،سعودی ادارہ برائے امورالحرمین

ہفتہ 19 جولائی 2025 10:10

مدینہ منورہ (اُردو پوائنٹ اخبارتازہ ترین - اے پی پی۔ 19 جولائی2025ء) سعودی عرب کے ادارہ برائے امور الحرمین نے کہا ہے کہ حج سیزن میں مسجد نبوی کے حصے ریاض الجنہ میں آنے والے زائرین کی تعداد 19 لاکھ 58 ہزار 76 رہی۔

(جاری ہے)

اردو نیوز نے ادارے کے جاری اعداد وشمار کے حوالے سے بتایا کہ ریاض الجنہ میں نوافل ادا کرنے والوں کی تعداد کا تعین یکم ذی القعدہ سے کیا گیا ،اسی عرصے میں روضہ اقدس پر سلام عرض کرنے والوں کی تعداد 34 لاکھ 47 ہزار 799 ریکارڈ کی گئی۔

یاد رہے روضہ شریفہ(ریاض الجنہ) کا رقبہ 330 مربع میٹر ہے جس میں فی گھنٹہ 800 افراد کی گنجائش ہے۔ اوسطا ہر وزیٹر کو دس مننٹ ملتے ہیں۔ روضہ شریف میں زائرین کے داخلے کو آسان بنانے کے لیے چار مراحل ہیں، نسک اور توکلنا ایپلی کیشن کے ذریعے اپائنمنٹ کی تصدیق، ای ڈیوائسزسے کیو آر کوڈ سکین کرنا پھر زائرین کو کچھ دیر انتظار کے بعد بھیجا جاتا ہے۔