پشاور، چمکنی ترناب فارم کے علاقے میں موٹر کار سوار افراد کی فائرنگ، 2 بھائیوں سمیت 3 افراد جاں بحق

ہفتہ 19 جولائی 2025 17:44

پشاور (اُردو پوائنٹ اخبارتازہ ترین - اے پی پی۔ 19 جولائی2025ء) پشاور کے علاقے چمکنی ترناب فارم میں موٹر کار سوار افراد کی فائرنگ سے 2 بھائیوں سمیت 3 افراد جاں بحق ہوگئے۔

(جاری ہے)

پولیس کے مطابق پشاور کے علاقے چمکنی ترناب فارم، جرندہ لارا کے قریب موٹر کار سوار افراد نے موٹر سائیکل پر سوار تین افراد پر فائرنگ کی جس کے نتیجے میں 2 بھائیوں سمیت 3 افراد موقع پر جاں بحق ہوگئے۔ جاں بحق ہونے والوں میں رخسار خان، صادق علی پسران امداد گل اور ناہید خان ولد قدیم خان ساکنان غازی خیل ارمڑ شامل ہیں۔ پولیس کے مطابق مقتولین کو سابقہ دشمنی کی بنا پر فائرنگ کرکے موت کے گھاٹ اتار دیا گیا۔ فائرنگ کرنے والے ملزمان موقع سے فرار ہوگئے۔