رواں سال مون سون بارشوں کے باعث 135 شہری جاں بحق ،478 زخمی ہوئے ‘ پی ڈی ایم اے

بارشوں کے باعث 156 مکانات جزوی یا مکمل طور پر متاثر ہوئے،33جانور ہلاک ہوئے ‘ ترجمان

اتوار 20 جولائی 2025 17:45

رواں سال مون سون بارشوں کے باعث 135 شہری جاں بحق ،478 زخمی ہوئے ‘ پی ڈی ..

لاہور(اُردو پوائنٹ اخبارتازہ ترین - این این آئی۔ 20 جولائی2025ء)پروونشل ڈیزاسٹر مینجمنٹ اتھارٹی نے نے مون سون بارشوں کے باعث جانی و مالی نقصانات بارے رپورٹ جاری کر دی ۔ترجمان پی ڈی ایم اے کے مطابق رواں سال مون سون بارشوں کے باعث 135 شہری جاں بحق اور 478 زخمی ہوئے ، سیلابی ریلے میں بہنے یا پھنسے ہونے سے متعلق کوئی جانی نقصان نہیں ہوا،مون سون بارشوں کے باعث 156 مکانات جزوی یا مکمل طور پر متاثر ہوئے،رواں سال مون سون کے دوران آسمانی بجلی گرنے سے 5، عمارات گرنے سے 99، کرنٹ لگنے سے 12 اور پانی میں ڈوبنے سے 19 لوگ جاں بحق ہوئے۔

ترجمان کے مطابق آسمانی بجلی گرنے سے 2، عمارات گرنے سے 465، کرنٹ لگنے سے 8 اور پانی میں ڈوبنے سے 3 لوگ زخمی ہوئے، مون سون بارشوں کے باعث 33 جانور ہلاک ہوئے ہوئے۔

(جاری ہے)

ڈائریکٹر جنرل پی ڈی ایم اے عرفان علی کاٹھیا نے مون سون بارشوں کے چوتھے سپیل میں انتظامیہ کو الرٹ رہنے کی ہدایات جاری کرتے ہوئے کہا ہے کہ بارشوں کے باعث اربن و فلیش فلڈنگ کا خدشہ ہے ، بالائی علاقوں میں بارشوں سے دریاں میں پانی کے بہا ئومیں غیر معمولی اضافے کا خدشہ ہے ۔

انہوںنے کہا کہ وزیر اعلی پنجاب کی ہدایات کے مطابق زخمیوں کو بہترین طبی امداد فراہم کی جا رہی ہے،حکومت پنجاب کی پالیسی کے تحت جاں بحق افراد کی فیملیز کو 10 سے 50 لاکھ تک امداد فراہم کی جا رہی ہے ،ڈائریکٹر جنرل پی ڈی ایم اے کی ڈی سیز کو دریائوں اور ندی نالوں کے اطراف دفعہ 144 کا نفاذ یقینی بنانے کی ہدایات جاری کرتے ہوئے کہاکہشہریوں سے گزارش ہے کہ موسم برسات کے پیش نظر احتیاطی تدابیر اختیار کر یں، کچے مخدوش و خستہ حال مکانات میں ہرگز رہائش نہ رکھیں ،خستہ حال عمارتوں اور بوسیدہ مکانات چھتیں گرنے کے باعث سب سے زیادہ اموات ریکارڈ ہوئیں،بچوں کا خیال رکھیں انہیں بجلی کی تاروں کھمبوں اور نشیبی علاقوں کے قریب ہرگز نہ جانیں دیں۔