Live Updates

آئندہ 24 گھنٹوں کے دوران بالائی خیبر پختونخواہ، اسلام آباد، شمال مشرقی پنجاب ، خطہ پوٹھوہار، گلگت بلتستان ، شمال مشرقی/جنوبی بلوچستان اور جنوبی سندھ میں تیز ہواؤں اور گرج چمک کے ساتھ بارش کی توقع

اتوار 20 جولائی 2025 19:20

اسلام آباد (اُردو پوائنٹ اخبارتازہ ترین - اے پی پی۔ 20 جولائی2025ء) آئندہ 24 گھنٹوں کے دوران بالائی / جنوب مشرقی سندھ ، شمال مشرقی /جنوبی پنجاب ، شمالی/جنوبی بلوچستان ، بالائی خیبر پختونخواہ، اسلام آباد ، خطہ پو ٹھو ہار ،گلگت بلتستان اور کشمیر میں تیز ہواؤں اور گرج چمک کے ساتھ بارش کی توقع ہے۔ اس دوران بالائی سندھ اور مشرقی بلوچستان میں چند مقامات پر موسلادھار بارش ہوسکتی ہے۔

محکمہ موسمیات کے مطابق کل پیر کوکشمیر ، بالائی خیبر پختونخواہ، اسلام آباد، شمال مشرقی پنجاب ، خطہ پوٹھوہار، گلگت بلتستان ، شمال مشرقی/جنوبی بلوچستان اور جنوبی سندھ میں تیز ہواؤں اور گرج چمک کے ساتھ بارش کی توقع ہے۔ اس دوران بالائی خیبر پختونخواہ ، خطہ پو ٹھو ہار، کشمیر اور ملحقہ پہاڑی علاقوں میں چند مقامات پر موسلادھار بارش کا امکان ہے۔

(جاری ہے)

ملک کے دیگر علاقوں میں موسم گرم اور حبس رہنے کا امکان ہے ۔گزشتہ 24 گھنٹوں کے دوران ملک کے بیشترعلاقوں میں موسم گرم اور مرطوب رہا۔تا ہم سندھ، سیالکوٹ اور لسبیلہ میں تیزہواؤں اور گرج چمک کے ساتھ بارش جبکہ سندھ میں چند مقامات پر موسلا دھار بارش بھی ہوئی ۔سب سے زیادہ بارش سندھ: موہنجو دڑو 86، لاڑکانہ 72، سکرنڈ ، حیدرآباد 21، سکھر، پڈعیدن 20، روہڑی اور حیدرآباد ایئرپورٹ 18، خیرپور 17، جیکب آباد 10، میر پور خاص 05، دادو اور کراچی 02، مٹھی 01، پنجاب: سیالکوٹ سٹی 02،بلوچستان: لسبیلہ میں 01 ملی میٹر بارش ریکارڈ کی گئی۔اتوار کو ریکارڈ کئے گئے زیادہ سےزیادہ درجہ حرارت : نوکنڈی ،دالبندین 46 اور چلاس میں45سینٹی گریڈ ریکارڈ کیا گیا۔

مون سون بارشیں سے متعلق تازہ ترین معلومات

Facebook Twitter Google + Share on Whatsapp

متعلقہ عنوان :

مزید قومی خبریں