نوجوانوں کیلئے ڈیجیٹل ٹریننگ پروگرامز کے دوسرے مرحلے کا آغاز

ڈیجیٹل ٹریننگ پروگرامز کے لیے 1.4 ارب روپے کا بجٹ مختص کردیا گیا

اتوار 20 جولائی 2025 18:30

کراچی (اُردو پوائنٹ اخبارتازہ ترین - این این آئی۔ 20 جولائی2025ء)سندھ حکومت نے نوجوانوں کے لئے ڈیجیٹل ٹریننگ پروگرامز کا آغاز کر دیا۔ شرجیل میمن کہتے ہیں پیپلز انفارمیشن ٹیکنالوجی پروگرام نوجوانوں کو ڈیجیٹل معیشت کا حصہ بنانے کے لیے ایک ماڈل پروگرام بن چکا ہیایک بیان میں سندھ کے سینئر وزیر شرجیل انعام میمن نے بتایا کہ پیپلز آئی ٹی پروگرام کے پہلے مرحلے کے تحت اب تک 35 ہزار 565 طلبہ کو جدید آئی ٹی شعبوں میں تربیت دی گئی ہے۔

(جاری ہے)

بہترین کارکردگی کا مظاہرہ کرنے والے 300 طلبہ کو میرٹ پر گوگل کروم بکس اور لیپ ٹاپس فراہم کیے گئے۔شرجیل میمن نے کہا کہ پی آئی ٹی پی کا دوسرا مرحلہ شروع کر دیا گیا ہے جس کے لیے ایک اعشاریہ چار ارب روپے کا بجٹ مختص کیا گیا ہے۔ سندھ حکومت نوجوانوں کو تعلیمی مواقع فراہمی کے ساتھ انہیں عملی زندگی کے لیے بھی تیار کر رہی ہے تاکہ وہ ملکی معیشت میں مثبت کردار ادا کرسکیں۔