لاہورپولیس کا بجلی چوروں کے خلاف کریک ڈائون جاری

امسال بجلی چوروں کے خلاف کارروائیوں میں 18510 ملزمان گرفتار، 14565 مقدمات درج

پیر 21 جولائی 2025 15:28

لاہور (اُردو پوائنٹ اخبارتازہ ترین - این این آئی۔ 21 جولائی2025ء) لاہور پولیس کا بجلی چوروں کے خلاف کریک ڈائون کا سلسلہ جاری ہے، اس ضمن میں ماہ جولائی میں اب تک بجلی چوری میں ملوث 647ملزمان کوگرفتارکرکے 1081مقدمات کااندراج کیا گیا ہے۔ترجمان لاہور پولیس نے بتایا کہ امسال بجلی چوروں کے خلاف کارروائیوں میں 18510ملزمان کی گرفتاری عمل میں لا کر14565مقدمات درج کئے گئے ہیں۔

(جاری ہے)

سی سی پی او بلال صدیق کمیانہ نے کہا کہ لاہور پولیس بجلی چوروں کے خلاف متعلقہ محکموں کو بھر پور معاونت فراہم کر رہی ہے۔انہوں نے کہا کہ لیسکو کے اشتراک سے بجلی چوروں کے خلاف بلا امتیاز کارروائیاں جاری ہیں۔بلال صدیق کمیانہ نے پولیس افسران کو ہدایات جاری کرتے ہوئے کہا کہ بجلی چوری کے درج مقدمات میں مطلوب اشتہاریوں کی گرفتاریاں یقینی بنائی جائیں۔انہوں نے کہا کہ بجلی چوری کے مقدمات کے چالان مقررہ ٹائم فریم میں عدالتوں میں جمع کروائے جائیں۔ سی سی پی او لاہور نے کہا کہ ملکی وسائل کو نقصان پہنچانے والے عناصر کے خلاف زیرو ٹالرنس کارروائیاں جاری رکھی جائیں ۔