پی ایچ ایف نے سیکیورٹی خدشات کے باعث ٹیم بھارت نہ بھیجنے کے فیصلے سے آگاہ کردیا

منگل 22 جولائی 2025 17:24

نئی دہلی (اُردو پوائنٹ اخبارتازہ ترین - این این آئی۔ 22 جولائی2025ء)بھارت میں ہونے والے ایشیا کپ ہاکی ٹورنامنٹ میں پاکستان کی شرکت کے حوالے سے پی ایچ ایف نے ایشین ہاکی فیڈریشن اور انٹرنیشنل ہاکی فیڈریشن کو آگاہ کر دیا۔

(جاری ہے)

میڈیا رپورٹ کے مطابق پی ایچ ایف نے سیکیورٹی خدشات کے باعث ٹیم بھارت نہ بھیجنے کے فیصلے سے آگاہ کردیا۔صدر پاکستان ہاکی فیڈریشن طارق بگٹی نے بتایا کہ سیکیورٹی خدشات پر ٹیم کو آئندہ ماہ بھارت بھیجنے کیلئے تیار نہیں، کھلاڑیوں کو بھی بھارت میں جا کر کھیلنے پر تحفظات ہیں۔طارق بگٹی نے کہا کہ ابھی گیند ایف آئی ایچ اور اے ایچ ایف کے کورٹ میں ہے، ابھی تک پاکستان حکومت نے اس حوالے سے کوئی باضابطہ اعلان نہیں کیا۔