پی ٹی آئی نے مینار پاکستان گرائونڈ پرجلسے کیلئے درخواست جمع کر ادی

مینارپاکستان گرائونڈ کی عدم دستیابی پر کسی اور مناسب جگہ پرجلسہ کی اجازت دی جائے

منگل 22 جولائی 2025 17:50

پی ٹی آئی نے مینار پاکستان گرائونڈ پرجلسے کیلئے درخواست جمع کر ادی

لاہور(اُردو پوائنٹ اخبارتازہ ترین - این این آئی۔ 22 جولائی2025ء)پاکستان تحریک انصاف نے 5 اگست کو مینارپاکستان گرائونڈ پر جلسہ کرنے کی اجازت مانگ لی ہے جس کے لئے باضابطہ طور پر درخواست ڈپٹی کمشنرلاہور کو دیدی گئی ۔

(جاری ہے)

صدر پی ٹی آئی لاہور شیخ امتیاز نے ڈپٹی کمشنر کو درخواست جمع کروائی جس میں 5اگست کو مینار پاکستان پر جلسہ کی اجازت طلب کی گئی ہے ۔درخواست میں کہا گیا ہے کہ مینارپاکستان گرائونڈ کی عدم دستیابی پر کسی اور مناسب جگہ پرجلسہ کی اجازت دیں۔ تحریک انصاف نے 5اگست کو ملک بھر میں احتجاج کا اعلان کررکھا ہے۔