طوفانی بارشوں کے پیش نظر اسلام آباد پولیس شہریوں کی بروقت مدد کیلئے فیلڈ میں موجودرہی

منگل 22 جولائی 2025 22:35

اسلام آباد(اُردو پوائنٹ اخبارتازہ ترین - این این آئی۔ 22 جولائی2025ء)طوفانی بارشوں کے پیش نظر اسلام آباد پولیس کے افسران و جوان شہریوں کی بروقت مدد کیلئے فیلڈ میں موجودرہے،جبکہ ٹریفک پولیس کے افسران نے شاہرائوں پر ٹریفک کی روانی کو یقینی بنانے کیلئے ہمہ وقت مصروف عمل رہے۔

(جاری ہے)

تفصیلات کے مطابق انسپکٹرجنرل آف پولیس اسلام آباد سید علی ناصر رضوی کے خصوصی احکامات کی روشنی میں ڈی آئی جی اسلام آباد محمد جواد طارق اور ایس ایس پی آپریشنز اسلام آباد محمد شعیب خان وفاقی دارلحکومت اسلام آباد میں طوفانی بارشوں کے دوران کسی بھی ایمرجنسی میں شہریوں کی بروقت مدد کو یقینی بنانے کیلئے خود فیلڈ میں موجود رہے ، اس سلسلہ میںاسلام آباد ٹریفک پولیس کے افسران و جوانوں نے شاہرائون پر ٹریفک کی روانی کویقینی بناتے ہوئے سیلابی پانی میں پھنسی گاڑیوں اور موٹر سائیکل سواروں کی مدد بھی کرتے رہے، جبکہ گاڑی و موٹرسائیکل خراب ہونے کی صورت میں مکینک آن ویل اور ٹریفک ہیلپ یونٹ بھی سڑکوں پر موجودرہے ،مزید دفتری اوقات میں ایکسپریس وے اور سری نگر ہائی وے پر خصوصی دستے بھی تعینات رہے ۔