بلوچستان ، سیاہ کاری پر قتل کا ایک اور واقعہ، باپ کے ہاتھوں بیٹی ، بھانجہ قتل

منگل 22 جولائی 2025 22:35

کوئٹہ(اُردو پوائنٹ اخبارتازہ ترین - این این آئی۔ 22 جولائی2025ء)بلوچستان کے دارالحکومت کوئٹہ میں قمبرانی روڈ پر سیاہ کاری کے الزام میں باپ نے فائرنگ کرکے بیٹی اور بھانجے کو قتل کردیا۔تفصیلات کے مطابق بلوچستان میں سیاہ کاری پر قتل کا ایک اور واقعہ پیش آیا ہے، کوئٹہ کے علاقے قمبرانی روڈ پر باپ نے فائرنگ کرکے بیٹی اور بھانجے کو قتل کردیا۔

(جاری ہے)

پولیس کے مطابق فائرنگ کے نتیجے میں نازنین اور غلام قادر جاں بحق ہو گئے جبکہ ملزم عبد اللطیف واردات کے بعد فرار ہونے میں کامیاب ہو گیا۔لاشوں کو قانونی کارروائی کیلئے ہسپتال منتقل کر دیا گیا، جہاں ضابطے کی کارروائی مکمل ہونے کے بعد میتیں ورثا کے حوالے کر دی گئیں۔پولیس نے بتایاکہ کیچی بیگ تھانے کی ٹیم ملزم کی گرفتاری کیلئے چھاپے مار رہی ہے اور جلد اسے گرفتار کر لیا جائے گا جبکہ پولیس حکام کے مطابق واقعے کی مزید تفتیش جاری ہے۔