متحدہ عرب امارات ، ایمریٹس گروپ کا رواں سال 17 ہزارافراد کو بھرتی کرنے کا اعلان

بدھ 23 جولائی 2025 08:20

دبئی (اُردو پوائنٹ اخبارتازہ ترین - اے پی پی۔ 23 جولائی2025ء) متحدہ عرب مارات کے ایمریٹس گروپ رواں سال 17 ہزار 300 افراد کو بھرتی کر نے کا اعلان کیا ہے ۔ امارات الیوم کے مطابق ایمریٹس گروپ کی جانب سے ٹیلنٹ کو سامنے لانے کے لیے عالمی سطح پر ایک بڑی ڈرائیو کا آغاز کیا ہے۔رواں مالی سال کے دوران 17 ہزار 300 سے زائد افراد کو بھرتی کیا جائے گا جو ایک درمیانے درجے کے شہرکی آبادی کے برابر ہے۔

ایمرٹیس اور دبئی نیشنل ایئرٹرانسپورٹ ایسوسی ایشن(دناتا) سمیت دیگر گراونڈ سروسز کے شعبوں میں ملازمتیں دی جائیں گی۔

(جاری ہے)

جن شعبوں میں اسامیاں درکار ہیں ان میں فلائٹ کریو، پائلیٹس ، انجیئنرز، مارکیٹنگ اینڈ سیلز، گراونڈ کنٹرولر، کیٹرنگ، آئی ٹی سپیشلسٹ، ہیومن ریسورسز اور فنانس شامل ہیں۔دوسری جانب ’دناتا‘ نے کارگو ، کیٹرنگ اور گراونڈ کنٹرولنگ سروسز کے لیے 4 ہزار افراد کو بھرتی کرنے کا عندیہ دیا ہے ۔ایمریٹس گروپ میں سال 2022 کے بعد سے 41 ہزار کارکنوں کو بھرتی کیا گیا جن میں سے 27 ہزار آپریشنل سروسز سے تعلق رکھتے ہیں اس کےساتھ گروپ کی افرادی قوت ایک لاکھ 21 ہزار تک پہنچ چکی ہے۔گروپ میں ملازمت کے خواہاں دنیا کے کسی بھی ملک سے ای میل پر رابطہ کرسکتے ہیں۔