پاکستان عوامی تحریک کے سیکرٹری جنرل خرم نواز گنڈا پور کا میاں اظہر کے انتقال پر اظہار تعزیت

بدھ 23 جولائی 2025 17:19

لاہور (اُردو پوائنٹ اخبارتازہ ترین - اے پی پی۔ 23 جولائی2025ء) پاکستان عوامی تحریک کے سیکرٹری جنرل خرم نواز گنڈا پور نے سینئر سیاستدان ،سابق گورنر پنجاب میاں اظہر کے انتقال پر گہرے دکھ اور افسوس کا اظہارکیا ہے۔

(جاری ہے)

خرم نواز گنڈا پور نے بدھ کے روز یہاں جاری اپنے ایک تعزیتی بیان میں کہا کہ میاں اظہر پاکستان کی سیاسی تاریخ کا ایک جانا پہچانا نام تھے۔خرم نواز گنڈا پور نے میاں اظہر کے اہلخانہ سے دلی ہمدری کا اظہار کرتے ہوئے دعا کی ہے کہ اللہ تعالی میاں اظہر کو اپنے جوار رحمت میں بلند مقام عطا فرمائے اور لواحقین کو صبر جمیل عطا کرے۔