وزیراعلیٰ پنجاب کی بغیر شیڈول ڈی ایچ کیو ہسپتال آمد،ایمرجنسی و دیگر وارڈز کا دورہ

بدھ 23 جولائی 2025 22:00

لاہور (اُردو پوائنٹ اخبارتازہ ترین - اے پی پی۔ 23 جولائی2025ء) وزیراعلیٰ پنجاب مریم نواز ڈی سی آفس ننکانہ صاحب سے بغیر شیڈول ڈسٹرکٹ ہیڈکوارٹر ہسپتال پہنچ گئیں۔وزیراعلیٰ نے ڈسٹرکٹ ہیڈکوارٹر ہسپتال کی ایمرجنسی اور دیگر وارڈز کا دورہ کیا۔ مریم نواز نے ہسپتال میں موجود مریضوں اور تیمارداروں سے دستیاب سہولتوں کے بارے میں دریافت کیا۔

(جاری ہے)

وزیراعلیٰ نے ہر مریض سے مفت میڈیسن کے بارے میں دریافت کیا اور پرچیاں چیک کیں۔انہوں نے ہسپتال کی مرکزی انتظارگاہ میں دستیاب میڈیسن اور ان کی تعداد بورڈ پر آویزاں کرنے کو سراہا۔انہوں نے مریضوں کی آمد، تشخیص اور ادویات کی فراہمی کا وقت چیک کیا۔انہوں نے ہر مریض کی اوسطا ڈیڑھ گھنٹے کے اندر تشخیص اور ادویات کی فراہمی پر اظہارتحسین کیا۔