جنرل باجوہ نے پارلیمان میں 342میں سے 340ووٹ لے کر ریکارڈ قائم کیا‘ اعتزاز احسن

حالات ٹھنڈے کرنا حکومت کا مزاج نہیں، ملک کو کس طرف لے کر جا رہے ہیں ‘ میڈیا سے گفتگو

جمعرات 24 جولائی 2025 19:35

لاہور (اُردو پوائنٹ اخبارتازہ ترین - این این آئی۔ 24 جولائی2025ء) پیپلز پارٹی کے رہنما اعتزاز احسن نے کہا ہے کہ جنرل باجوہ نے پارلیمان میں 342میں سے 340ووٹ لے کر ریکارڈ قائم کیا،سیاست حالات ٹھنڈے کرنے کا حکومت کا مزاج نہیں ، ملک کو کس طرف لے کر جا رہے ہیں ۔ انہوں نے سابق گورنر پنجاب و سینئر سیاستدان میاں محمد اظہر کی وفات پر اہل خانہ سے اظہار تعزیت کے بعد میڈیا کے نمائندوں سے گفتگو کرتے ہوئے کہا کہ میاں اظہر وضع دار اور سادہ تھے ۔

انہوں نے آخری وقت میں بھی اپنی جماعت سے وفاداری دکھائی ۔انہوں نے کہا کہ حماد کے لیے آسان نہیں تھا، تب میاں اظہر نے سیاستدانوں کو سیاست کر کے سبق دیا ۔ انہوں نے بتایا کہ جس وقت جینا مشکل ہو اس وقت سیاست کی ۔ بہت مجبوریاں آئیں لیکن انہوں نے ساتھیوں کا ساتھ نہیں چھوڑا ۔

(جاری ہے)

اعتزاز احسن نے کہا کہ سیاست حالات کول کرنے کا حکومت کا مزاج نہیں ہے۔

حکومت نے جو فیصلے سنائے غلط ہیں۔ آئی جی پنجاب سے سوال کریں، ایک کا جواب بھی نہیں ملے گا۔ جب 9 مئی کا واقعہ ہوا تو 12 مقام تھے۔ کیا ایک متعلقہ ایس ایچ او کے خلاف کارروائی ہوئی ۔انہوں نے سوال کیا کہ یاسمین راشد کو کیا سوچ کر سزا دی گئی ۔ وہ بیمار ہیں، 80سالہ خاتون ہیں، کچھ تو خدا کا خوف کریں۔ یہ آپ ملک کو کس طرف لے جا رہے ہیں۔اعتزاز احسن نے کہا کہ ایکسٹینشن کے وقت جنرل باجوہ نے پارلیمنٹ میں یہ ریکارڈ قائم کیا کہ 342میں سے 340ووٹ ان کے تھے۔ پارٹی کی اکثریت بانی پی ٹی کے حق میں نہیں مگر میری رائے مختلف ہے ۔انہوں نے کہا کہ مریم کو وزیر اعلی لگا کر ہمیں بتا دیا گیا شریف نام کے ساتھ ہونا ضروری ہے ۔ میاں نواز شریف لندن میں غدار کہتے تھے مگر پھر ارکان کو ووٹ کا کہہ دیا ۔