سپیکر قومی اسمبلی کا مستونگ میں دہشتگردوں کیخلاف کامیاب آپریشن پر سکیورٹی فورسز کو خراج تحسین

جمعرات 24 جولائی 2025 22:50

اسلام آباد(اُردو پوائنٹ اخبارتازہ ترین - این این آئی۔ 24 جولائی2025ء)سپیکر قومی اسمبلی سردار ایاز صادق نے مستونگ میں بھارتی حمایت یافتہ دہشت گردوں کے خلاف کامیاب آپریشن پر سکیورٹی فورسز کو خراج تحسین پیش کرتے ہوئے آپریشن کے دوران میجر زیاد سلیم اور سپاہی ناظم حسین کے جانی نقصان پر گہرے دکھ اور افسوس کا اظہار کیاہے ۔

(جاری ہے)

اپنے تعزیتی پیغام میں انہوں نے میجر زیاد حسین اور سپاہی ناظم حسین کی جرات اور بہادری کو خراج عقیدت پیش کیا اور کہا کہ بلوچستان میں بھارتی سرپرستی میں سرگرم بھارتی حمایت یافتہ دہشت گردوں کا انجام عبرتناک ہوگا،سکیورٹی فورسز کے بہادر جوانوں کی قربانیاں رائیگاں نہیں جائیں گی،قوم کو اپنے بہادر افسروں اور جوانوں پر فخر ہے۔

انہوںنے کہاکہ پاکستان کے دفاع و استحکام کے لیے جانوں کا نذرانہ دینے والے قوم کے حقیقی ہیرو ہیں۔سپیکرنے کہاکہ دہشت گردوں کے خلاف سکیورٹی فورسز کی پیشہ ورانہ کارروائیاں قابل تحسین ہیں۔ایازصادق نے کہاکہ غم اور دکھ کی گھڑی میں شہدا کے اہلخانہ کے غم میں برابر کا شریک ہوں۔ سپیکر قومی اسمبلی نے اللہ تعالی سے شہدا کے درجات کی بلندی اور لواحقین کو صبر جمیل عطا فرمانے کی دعا بھی کی ۔