اسد عمر کی عبوری ضمانت میں 19 ستمبر تک توسیع،آئندہ سماعت پر دلائل طلب

پی ٹی آئی سے کوئی بات نہیں کر رہا ،ایسے میں احتجاج نہیں کریں گے تو اور کیا کریں گی میڈیاسے گفتگو

جمعہ 25 جولائی 2025 13:43

اسد عمر کی عبوری ضمانت میں 19 ستمبر تک توسیع،آئندہ سماعت پر دلائل طلب

لاہو(اُردو پوائنٹ اخبارتازہ ترین - این این آئی۔ 25 جولائی2025ء)لاہور کی انسداد دہشت گردی عدالت نے سابق وفاقی وزیر اسد عمر کی عبوری ضمانت میں 19 ستمبر تک توسیع کر دی۔جمعہ کوعدالت کے جج منظر علی گل نے اسد عمر کی 9 مئی جناح ہاؤس، عسکری ٹاور حملہ اور تھانہ شاد مان کو جلانے کے مقدمے میں جبکہ اعظم خان سواتی کی 5 مقدمات میں ضمانت کی درخواستوں پر سماعت کی۔

(جاری ہے)

اسد عمر اور اعظم خان سواتی عبوری ضمانت کی میعاد ختم ہونے پر عدالت میں پیش ہوئے تھے۔عدالت نے ملزمان کی عبوری ضمانت میں19 ستمبر تک توسیع کرتے ہوئے آئندہ سماعت پر ضمانت کی درخواستوں پر دلائل طلب کر لیے۔اسد عمر نے لاہور میں انسداددہشت گردی عدالت کے باہر میڈیا سے گفتگو کرتے ہوئے کہا کہ سیاسی جماعتیں ساتھ بیٹھیں اور مذاکرات کریں۔اٴْنہوں نے کہا کہ پی ٹی آئی سے کوئی بات نہیں کر رہا ایسے میں وہ احتجاج نہیں کریں گے تو اور کیا کریں گی پی ٹی آئی کے پاس سوائے احتجاج کے اور کوئی راستہ نہیں چھوڑا جا رہا۔