سیالکوٹ پولیس موبائل خدمت مرکز وین سے گوہدپور کے شہریوں نے14 مختلف سہولیات سے استفادہ کیا

جمعہ 25 جولائی 2025 17:29

سیالکوٹ (اُردو پوائنٹ اخبارتازہ ترین - اے پی پی۔ 25 جولائی2025ء) سیالکوٹ پولیس موبائل خدمت مرکز وین سے گوہدپور کے شہریوں نے14 مختلف سہولیات سے استفادہ کیا۔

(جاری ہے)

ترجمان پولیس کے مطابق سیالکوٹ کے علاقےگوہد پور چوک میں پولیس موبائل خدمت مرکز وین نے عوام کو خدمات فراہم کیں،اس دوران عوام کو ایک ہی چھت تلے 14 سہولیات فراہم کی گئیں جن میں لرنرز ڈرائیونگ پرمٹ، کریکٹر سرٹیفکیٹ، وہیکل کلیئرنس سرٹیفکیٹ، تجدید ڈرائیونگ لائسنس، انٹرنیشنل ڈرائیونگ پرمٹ، جنرل پولیس سروسز، گمشدگی دستاویزات، اندراج کرایہ دار، تجدید ڈرائیونگ لائسنس، قانونی رہنمائی برائے تحفظ خواتین، اندراج ملازم، جرم کی اطلاع، ایف آئی آر کاپی اور گمشدہ بچوں کی اطلاع شامل تھیں۔