پنجاب کی تمام سرکاری و نجی یونیورسٹیوں کے گورننگ باڈیز میں اراکین پنجاب اسمبلی کی نمائندگی لازم قرار دیدی

جمعہ 25 جولائی 2025 23:02

لاہور(اُردو پوائنٹ اخبارتازہ ترین - این این آئی۔ 25 جولائی2025ء)پنجاب کی تمام سرکاری و نجی یونیورسٹیوں کے گورننگ باڈیز میں اراکین پنجاب اسمبلی کی نمائندگی لازم قرار دیدی گئی ۔گورنر پنجاب کی جانب سے پنجاب اسمبلی میں یونیورسٹیز اینڈ انسٹیٹیوٹ لاز ترمیمی بل 2025 دستخط کے بعد ایکٹ بن گیا ۔ترمیمی بل کے تحت مختلف ایکٹ اور آرڈیننسز میں تبدیلیاں کی گئیں۔

(جاری ہے)

ایکٹ کے مطابق ہر یونیورسٹی بورڈ میں تین اراکین پنجاب اسمبلی جن میں کم از کم ایک خاتون رکن شامل ہو گی گورننگ باڈی کا حصہ ہوںگے،اراکین اسمبلی کی نامزدگی پنجاب اسمبلی کے اسپیکر کریں گے،ترمیم شدہ ایکٹ میں بورڈز میں ایم پی ایز کی شمولیت کو قانونی حیثیت دی گئی ہے ،بعض اداروں میں خواتین اراکین اسمبلی کی تعداد ایک سے بڑھا کر تین کر دی گئی ہے، یونیورسٹی آف پنجاب، ایگری کلچر فیصل آباد، یو ای ٹی لاہور ،بہائوالدین زکریا یونیورسٹی، اسلامیہ یونیورسٹی بہاولپور، یو ای ٹی ٹیکسلا ،ایریڈ ایگری کلچر راولپنڈی، فاطمہ جناح ویمن یونیورسٹی، ویٹرنری یونیورسٹی لاہور ،لاہور: یونیورسٹی آف ہیلتھ سائنسز، کنیرڈ کالج، یونیورسٹی آف سدرن ،نجی اداروں گلوبل انسٹیٹیوٹ، قرشی یونیورسٹی، ٹائمز انسٹیٹیوٹ کے ایکٹ میں بھی تبدیلیاں کردی گئیں ۔