صوبے کے بیشتر علاقوں میں موسم گرم رہنے کی توقع ہے، محکمہ موسمیات

جمعہ 25 جولائی 2025 23:33

کوئٹہ (اُردو پوائنٹ اخبارتازہ ترین - آن لائن۔ 25 جولائی2025ء) علاقائی موسمیاتی مرکز بلوچستان کے مطابق جمعہ اور ہفتے کو صوبے کے بیشتر علاقوں میں موسم گرم رہنے کی توقع ہے۔ تاہم بارکھان، ژوب، موسی خیل، زیارت اور خضدار کے اضلاع میں آندھی چلنے کا امکان ہے۔

(جاری ہے)

جبکہ چاغی، نوکنڈی واشک اور پنجگور میں گرد آلود ہواو ں کے ساتھ دن کا درجہ حرارت زیادہ رہنے کا امکان ہے۔گزشتہ 24 گھنٹوں کے دوران بارکھان میں 17.0 ملی میٹر، خضدار میں 5.7 ملی میٹر، لورالائی میں 3.2 ملی میٹر اورسبی میں 1.5 ملی میٹر بارش ریکارڈ کی گئی۔سب سے زیادہ درجہ حرارت دالبندین میں 44 ڈگری سینٹی گریڈ ریکارڈ کیا گیا۔