ہمیں ایشیا کپ اور ورلڈ کپ کیلئے کرکٹ کا ایک انداز اپنانا ہوگا، مائیک ہیسن

جمعہ 25 جولائی 2025 19:40

اسلام آباد(اُردو پوائنٹ اخبارتازہ ترین - این این آئی۔ 25 جولائی2025ء)پاکستان کرکٹ ٹیم کے ہیڈ کوچ مائیک ہیسن نے کہا ہے کہ ہمیں ایشیا کپ اور ورلڈ کپ کیلئے کرکٹ کا ایک انداز اپنانا ہوگا۔

(جاری ہے)

مائیک ہیسن نے سوشل میڈیا پر پیغام لکھا کہ اس وقت پاکستان ٹیم دنیا میں آٹھویں نمبر پر ہے، میرپور ٹی ٹوئنٹی کرکٹ میں کم اسکور والا وینیو ہے۔انہوں نے لکھا کہ میرپور میں مشکلات کے بعد کم بیک کرتے ہوئے تجربے سے سیکھنے کی صلاحیت دکھائی، نئے کھلاڑی آگے آئے اور اچھی کارکردگی دکھائی۔مائیک ہیسن نے لکھا کہ اسپیشلسٹ کوچز نے بنگلادیش اور این سی اے میں بولرز کی ڈیولپمنٹ میں اہم کردار ادا کیا، آخری 2 میچز میں فیلڈنگ میں شاندار بہتری آئی۔