اقتصادی رابطہ کمیٹی نے سستے گھروں کی تعمیر کیلئے اسکیم کی منظوری دے دی

مارک اپ سبسڈی رسک شیئرنگ اسکیم کے تحت مالی معاونت کا فیصلہ، حکومت 50 ہزار گھروں کی تعمیر کیلئے سبسڈی فراہم کرے گی، 20 سے 35لاکھ تک کا قرضہ 20 سال کی مدت کیلئے دینے کی تجویز ہے۔ ای سی سی کا اجلاس

ثنااللہ ناگرہ جمعہ 25 جولائی 2025 22:14

اسلام آباد (اُردو پوائنٹ اخبارتازہ ترین۔ 25 جولائی 2025ء) اقتصادی رابطہ کمیٹی نے سستے گھروں کی تعمیر کیلئے اسکیم کی منظوری دے دی ہے، مارک اپ سبسڈی رسک شیئرنگ اسکیم کے تحت مالی معاونت کا فیصلہ کیا گیا، حکومت 50 ہزار گھروں کی تعمیر کیلئے سبسڈی فراہم کرے گی، 20 سے 35لاکھ تک کا قرضہ 20 سال کی مدت کیلئے دینے کی تجویز ہے۔ میڈیا کے مطابق وزیر خزانہ محمد اورنگزیب کی زیر صدارت اقتصادی رابطہ کمیٹی کا اجلاس ہوا، ای سی سی اجلاس میں وزارت صنعت کی جانب سے گھی، کوکنگ آئل کی دستیابی اور قیمتوں پر بریفنگ دی گئی۔

کمیٹی نے قیمتوں میں اضافے اور کارٹلائزیشن کی روک تھام کی ہدایت کی جبکہ مسابقتی کمیشن، نیشنل پرائس کمیٹی، صوبائی حکومتوں کے درمیان روابط پر زور دیا گیا۔اقتصادی رابطہ کمیٹی کا کہناتھا کہ وزارت صنت اس حوالے سے اسٹیک ہولڈرز سیکوآرڈینیشن کرے۔

(جاری ہے)

اجلاس میںاقتصادی رابطہ کمیٹی نے پاکستان اسکل امپیکٹ بانڈ کے اجرا کے لیے ایک ارب روپے کی حکومتی گارنٹی منظورکی گئی ، اس کے تحت ملک میں اسکل ڈیویلپمنٹ کی حوصلہ افزائی کی جائے گی ۔

اجلاس میں ای سی سی نے سستے گھروں کی تعمیر کیلئے اسکیم کی منظوری دیدی ہے جبکہ مارک اپ سبسڈی رسک شیئرنگ اسکیم کے تحت مالی معاونت کا فیصلہ بھی کر لیا گیا۔ 20 سے 35 لاکھ تک کا قرضہ 20 سال کی مدت کیلئے دینے کی تجویز دی گئی ہے۔ ملک میں لو کاسٹ ہاؤسنگ کو فروغ دیا جائے گا۔ وزارت ہاؤسنگ کو اس شعبے کا جامع ڈیٹا بیس تیار کرنے کی ہدایت کر دی گئی ہے۔

اس مقصد کیلئے وفاقی اور صوبائی اسٹیک ہولڈرز سے مشاورت کی ہدایت کی گئی ہے۔ اقتصادی رابطہ کمیٹی کے اجلاس میں شپ بریکنگ ری سائیکلنگ کو باقاعدہ صنعت کا درجہ دینے ۔اجلاس میں نیشنل ٹیرف پالیسی 30-2025 کے تحت اسٹیل سیکٹر کے فروغ کا فیصلہ کیا گیاہے ، وزارت خزانہ نے کہا کہ اسٹیل کے شعبے کو برآمدات کی بنیاد پر ترقی دی جائے گی۔ ای سی سی نے ریڈیو بیسڈ سروسز کے چارجز پر نظرثانی کی منظوری دے دیدی ہے۔ نجی کمپنی کو گیس ٹیرف میں رعایت کیخلاف عدالت عظمیٰ سیرجوع کا فیصلہ کیا گیا ہے۔