عطا تارڑ سے امریکی ناظم الامور کی ملاقات، مختلف امور پر تفصیلی تبادلہ خیال

ہفتہ 11 اکتوبر 2025 11:39

اسلام آباد(اُردو پوائنٹ اخبارتازہ ترین - این این آئی۔ 11 اکتوبر2025ء) وفاقی وزیر اطلاعات عطا اللہ تارڑ سے امریکی ناظم الامور نتھالی بیکر نے ملاقات کی جس میں دوطرفہ تعلقات، ڈیجیٹل میڈیا شراکت داری، دہشت گردی کے خلاف تعاون اور سیاحت کے فروغ سے متعلق امور پر تفصیلی تبادلہ خیال کیا گیا۔امریکی ناظم الامور نے کہا کہ پاکستان کی معیشت استحکام اور ترقی کی سمت بڑھ رہی ہے جبکہ دہشت گردی کے خلاف پاکستان کے صفِ اول کے کردار کی تعریف کرتے ہیں۔

(جاری ہے)

وزیر اطلاعات عطا اللہ تارڑ نے کہا کہ پاکستان نے دہشت گردی کے خلاف بے شمار قربانیاں دی ہیں جو دنیا کے امن کے لیے سنگ میل ثابت ہوئیں۔انہوں نے کہا کہ پاکستان قدرتی حسن، ثقافتی تنوع اور تاریخی ورثے سے مالا مال ملک ہے اور حکومت سیاحت کے فروغ کے لیے ٹھوس اقدامات کر رہی ہے تاکہ معاشی سرگرمیوں میں اضافہ ہو۔عطا اللہ تارڑ نے بتایا کہ صحافیوں کی فلاح و بہبود کے لیے قانون سازی جاری ہے جس پر امریکی ناظمالامور نے صحافیوں کے تحفظ کے اقدامات کو سراہا۔